U ZŠA adbyłasia 79-ja cyrymonija ŭručeńnia premii «Załaty hłobus». Jana prajšła ŭ zakrytym režymie i nie tranślavałasia pa telebačańni abo anłajn, śpis pieramožcaŭ arhanizatary apublikavali na sajcie premii pa jaje vynikach.
Film «Ułada sabaki» novaziełandskaha režysiora Džejn Kempion zavajavaŭ «Załaty hłobus» u katehoryi «Najlepšy dramatyčny film»
«Viestsajdskaja historyja» Styviena Śpiłbierha atrymała premiju ŭ katehoryi «Najlepšaja kamiedyja/miuzikł».
Dysnejeŭski multfilm «Enkanta» atrymaŭ «Załaty hłobus» jak najlepšaja animacyjnaja karcina.
Japonskaja drama «Siadź za rul majoj mašyny» atrymała ŭznaharodu ŭ naminacyi «Najlepšy zamiežny film».
Uił Śmit zavajavaŭ «Załaty hłobus» u katehoryi «Najlepšaja mužčynskaja rola ŭ dramie» za film «Karol Ryčard».
Nikol Kidman atrymała premiju ŭ katehoryi «Najlepšaja žanočaja rola ŭ dramie» za rolu ŭ filmie «Być Rykarda».
«Załaty hłobus» nazyvajuć pradvieśnikam «Oskara», jaki ŭ hetym hodzie budzie ŭručany ŭ krasaviku.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary