Падляшскі дуб, названы ў гонар беларускага пісьменніка, лідзіруе ў галасаванні за Еўрапейскае дрэва года
Агульнаеўрапейскі анлайн-конкурс «Еўрапейскае дрэва года» 11-ы год запар ладзіць арганізацыя Czech Environmental Partnership Foundation. Пераможца выбіраецца сярод дрэваў не абавязкова самых старых ці самых прыгожых — галоўнае, каб у дрэва была цікавая гісторыя. Сёлета ў спаборніцтве лідзіруе 400-гадовы падляшскі дуб з іменем «Дунін», піша mostmedia.io.
Дуб-волат Дунін названы так у гонар беларускага пісьменніка Вінцэнта Дуніна-Марцінкевіча. Унікальнае дрэва расце ў полі каля вёскі Прыбудкі Нараўскай гміны, што ля Белавежскай пушчы. Узрост дуба ацэньваецца ў 400 гадоў, ахоп ствала дасягае 130 см, а вышыню ён мае каля 5,5 метра.
Дуб Дунін набраў за тры дні ўжо больш за 19 тысяч галасоў і нашмат апярэджвае сваіх найбліжэйшых канкурэнтаў. А сярод іх — французскі 300-гадовы каштан, расійскі «Дуб Тургенева», брытанскае нахіленае дрэва і іншыя. Другое месца пакуль займае таксама дуб, які расце ў Банкетным лесе ў іспанскай Галісіі. Ён пакуль што мае больш за 8 тысяч галасоў.
Але галасаванне працягнецца да 28 лютага, таму ўсё можа змяніцца. Прыняць удзел у галасаванні можна тут.
Чытайце таксама:
Паглядзіце, якая вядомая ўсім птушка выйграла праймерыз на званне «птушкі 2023 года»
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары