Жаночая зборная Беларусі па баскетболе з-за каранавіруса датэрмінова развіталася з марамі пра чэмпіянат свету
Напярэдадні вылету ў Японію на матчы кваліфікацыі чэмпіянату свету стала вядома, што каранавірусам заразілася «значная частка» баскетбалістак і прадстаўнікоў трэнерскага штабу.
Як паведамляе прэс-служба Беларускай федэрацыі баскетбола, некаторыя зборніцы былі кантактамі першага ўзроўню, а непасрэдна ў аэрапорце «выявіліся сімптомы яшчэ ў некаторых гульцоў».
У выніку Беларуская федэрацыя баскетбола прыняла «няпростае рашэнне» — адмовіцца ад палёту ў Осаку ўвогуле «з мэтай прадухілення пагрозы здароўю астатніх членаў каманды». Хоць сумнеўна, што і так для гульні хапіла б баскетбалістак. Ды і антыкавідныя правілы ў Японіі строгія.
Цяпер зборнай застаецца толькі рыхтавацца да матчаў кваліфікацыі Еўрабаскета-2022, якія з'яўляюцца адборам на Алімпіяду 2024 года.
Каментары