У Латвіі заявілі, што іх самалёт Ан-2 не парушаў паветраную прастору Беларусі. Пры гэтым латвійскі бок не галаслоўны, ён спасылаецца на GPS-сігнал з самалёта. Сцвярджаецца, што машына здзяйсняла запланаваны палёт уздоўж мяжы, адсочваючы яе парушальнікаў. Апублікаваны і маршрут самалёта.
Маршрут палёту самалёта ўздоўж мяжы з Беларуссю. Фота: twitter.com/Latvijas_armija
У аўторак Дзяржаўны памежны камітэт Беларусі паведаміў, што паветраную прастору нашай краіны парушыў самалёт Ан-2, які, маўляў, заляцеў з Латвіі «на глыбіню 300 метраў» і вярнуўся назад. Прэс-служба латвійскага войска заклікае ставіцца да інфармацыі ўладаў Беларусі крытычна.
❗️Gaisa spēki, turpinot sniegt atbalstu Valsts robežsardzei nelegālo robežpārkāpumu novēršanā, ar gaisa kuģi An-2 veica pārlidojumu gar Latvijas-Baltkrievijas robežu. BY robežsardze apsūdzējusi NBS gaisa telpas pārkāpšanā, taču GPS dati pierāda, ka pārkāpums nav noticis. pic.twitter.com/ChVfBr9NHY
— NBS (@Latvijas_armija) February 8, 2022
Апошнім часам беларускія памежнікі паведамляюць пра выпадкі паветраных парушэнняў мяжы рэгулярна. Так, 4 снежня 2021 года ўкраінскі верталёт нібыта заляцеў на тэрыторыю Беларусі ў раёне пункта пропуску «Новая Рудня», а 24 студзеня бягучага года зафіксаваны факт парушэння мяжы ў раёне вёскі Хмелішча Маларыцкага раёна ўкраінскім беспілотным лятальным апаратам.
Як правіла, пасля праверкі інцыдэнтаў да прадстаўленых доказаў эксперты маюць сумневы, як гэта было з нядаўнім украінскім беспілотнікам.
Чытайце таксама:
Памежны камітэт: Латвійскі самалёт АН-2 парушыў мяжу Беларусі
«Запускаць саматужніцтва ў абароненую зону — глупства». Беларускі афіцэр пра беспілотнік, які прыпісваюць Украіне
The Insider: Збіты на беларуска-ўкраінскай мяжы беспілотнік — не ўкраінскі, а расійскі
Цяпер чытаюць
Польшча прызнала Аляксандра Машэнскага непажаданай асобай23
Каментары