«Класіку можна, вам не». Расійскі часопіс будуць судзіць за цытаванне мацюка з ліста Тургенева да Герцэна
Упраўленне Раскамнагляду па Растоўскай вобласці падало ў суд на часопіс аб паэзіі Prosodia за ўжыванне цытаты пісьменніка Івана Тургенева. У ёй класік рускай літаратуры выкарыстаў слова, як пішуць, сінанімічнае слову «ублюдок» у значэнні «пазашлюбнае дзіця», піша Газета.ру.
Галоўны рэдактар часопіса Prosodia Уладзімір Казлоў расказаў, што слова, якое паслужыла падставай для прыцягнення СМІ да адказнасці, рэдакцыя лаянкавым не лічыць. На старонках часопіса яно было ў складзе цытаты з ліста Тургенева да Аляксандра Герцэна, у якім гаварылася пра выхад паэтычнага зборніка паэта XIX стагоддзя Сцяпана Шавырова.
Казлоў дадаў, што цяпер рэдакцыі могуць прысудзіць «непасільныя штрафы».
Дацэнт Інстытута лінгвістыкі Расійскага дзяржаўнага гуманітарнага ўніверсітэта (РДГУ) Таццяна Базжына, каментуючы гэтую сітуацыю, патлумачыла, што згаданае слова непасрэдна трапляе пад дзеянне федэральнага закона, таму дзеянні Раскамнагляда апраўданыя:
«Гэта вытворнае ад тых слоў, якія нельга прамаўляць. У чыстым выглядзе.
Трэба было цэнзураваць: альбо ставіць зорачкі, альбо проста трохкроп'е. Нават нягледзячы на тое, што гэта класік, на газетных і часопісных палосах гэта не ўжываецца.
Дзеянні Раскамнагляду абсалютна адэкватныя і дарэчныя. Закон нельга парушаць. Трэба разумець, якія словы ты выкарыстоўваеш, нават нягледзячы на тое, што гэта словы класіка.
Класіку можна, вам не. На класіка закон не распаўсюджваўся, а на вас распаўсюджваецца».
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары