Федэрацыя цяжкай атлетыкі адхіліла беларусаў ад міжнародных спаборніцтваў
Міжнародная федэрацыя цяжкай атлетыкі (IWF) абвясціла, што адхіляе спартсменаў з Беларусі і Расіі ад міжнародных спаборніцтваў. Гэтае рашэнне было прынятае на фоне вайны ва Украіне.
У прэс-рэлізе ITF гаворыцца, што Федэрацыя падтрымлівае рэкамендацыю Міжнароднага алімпійскага камітэта, які рэкамендаваў спартовым федэрацыям не дапускаць беларускіх і расійскіх спартоўцаў да ўдзелу ў міжнародных спаборніцтвах.
У IWF адзначылі, што «асуджаюць уварванне Расіі ва Украіну».
«Выканаўчая рада IWF вырашыла прыпыніць удзел усіх спартсменаў, афіцыйных асоб і тэхнічных прадстаўнікоў Расіі і Беларусі ў любых міжнародных спаборніцтвах па цяжкай атлетыцы. Акрамя таго, у гэтых краінах не будуць праводзіцца мерапрыемствы пад эгідай IWF», — паведамілі ў федэрацыі.
У IWF назвалі прынятыя меры прэвентыўнымі і накіраванымі «на захаванне цэласнасці спорту», а таксама на абарону бяспекі ўсіх спартсменаў са згаданых краін.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары