У Мінску ў закрытым рэжыме судзяць афіцэра КДБ за публікацыю размоў Наталлі Эйсмант
Аляксея Храловіча вінавацяць у перадачы запісаў размоў прэс-сакратаркі Лукашэнкі тэлеграм-каналу «Нехта». Яму пагражае да 20 гадоў пазбаўлення волі.
Суд над падпалкоўнікам КДБ пачынаецца сёння ў Мінскім гарадскім судзе Справу ў закрытым рэжыме разглядае Дыяна Кучук.
У сакавіку 2021 года на тэлебачанні паказалі фільм «Аперацыя КДБ «Манкурты», у якім распавялі пра затрыманне падпалкоўніка КДБ Аляксея Храловіча. Яму выставілі абвінавачанні па ч. 2 арт. 356 Крымінальнага кодэкса (здрада дзяржаве, здзейсненая службовай асобай, якая займае адказнае становішча, ці асобай, на якую распаўсюджваецца статус вайскоўца), піша «Радыё Свабода».
Магчыма, падпалкоўнік здабыў перамовы Дзмітрыя Баскава, Наталлі Эйсмант і Дзмітрыя Шакуты з выкарыстаннем службовых магчымасьцяў. Затым Храловічу нібыта прапанавалі паўдзельнічаць у аператыўнай гульні, каб выявіць шляхі эвакуацыі з Беларусі асобаў, звязаных з рухам за грамадзянскія правы і свабодныя выбары, якім пагражае небяспека, і затрымалі.
Баскаў, Эйсмант і Шакута ў сваіх перамовах абмяркоўвалі падзеі пры забойстве Рамана Бандарэнкі ў мінскім двары. Прапагандысты ў фільме назвалі тыя размовы «інсцэніроўкай».
Храловічу пагражае да 20 гадоў пазбаўлення волі.
Каментары