Анатоль Чубайс сышоў з пасады спецыяльнага прадстаўніка прэзідэнта Расіі па пытаннях устойлівага развіцця і з'ехаў з краіны, паведамляе Bloomberg са спасылкай на дзве абазнаныя крыніцы.
Паводле Bloomberg, Чубайс сышоў з пасады і з'ехаў праз вайну ва Украіне.
66-гадовы Чубайс з'яўляецца адным з нямногіх эканамічных рэфарматараў 1990-х гадоў, якія засталіся ва ўрадзе Пуціна і падтрымлівалі цесныя сувязі з заходнімі чыноўнікамі. Прэс-сакратар Крамля Дзмітрый Пяскоў не адказаў на просьбу Bloomberg аб каментарыі.
«Не магу сказаць, не ў курсе», — паведаміў РБК Ігар Чубайс (брат Анатоля Чубайса) у адказ на пытанне аб адстаўцы і ад'ездзе з Расіі Анатоля Чубайса.
Пасля вайны расійскі ўрад узмацніў ціск на ўнутраных крытыкаў уварвання. 16 сакавіка Пуцін папярэдзіў, што ачысціць Расію ад «падонкаў і здраднікаў», якіх ён абвінавачвае ў таемнай працы на ЗША і іх саюзнікаў. Расійскі лідар абвінаваціў Захад у жаданні знішчыць Расію.
Міністр абароны Расіі Шайгу знік з публічнай прасторы
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары