Таццяна Вадалажская сёння пайшла ў Следчы камітэт і адтуль ужо не выйшла, паведамляюць яе калегі па Каардынацыйнай радзе.
Таццяна Вадалажская — метадолаг і сацыёлаг.
Яна паплечніца Уладзіміра Мацкевіча, была экспертам Агенцтва гуманітарных тэхналогій і каардынатарам праграмы стварэння сучаснага ўніверсітэта ў Беларусі «Лятучы ўніверсітэт».
Усё, што вядома па яе справе на гэты час, паведамляюць праваабаронцы.
Упершыню Вадалажская была затрыманая 4 жніўня 2021 года. Тады яна правяла 10 сутак на Акрэсціна, пасля чаго яе адпусцілі ў статусе падазраванай па ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак). На працягу ўсяго гэтага часу Таццяну некалькі разоў выклікалі на допыты ў Следчы камітэт.
На мінулым тыдні Таццяна падала хадайніцтва ў СК з просьбай аб дазволе выехаць у Літву на лячэнне. Сёння яна пайшла за адказам на сваё хадайніцтва ў СК, але там ёй была прад'яўленая пастанова аб заключэнні пад варту.
Цяпер Вадалажская знаходзіцца ў СІЗА №1 на Валадарскага. Адвакат Таццяны знаходзіцца пад падпіскай аб неразгалошванні, таму больш ніякіх падрабязнасцяў невядома.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары