Taćciana Vadałažskaja siońnia pajšła ŭ Śledčy kamitet i adtul užo nie vyjšła, paviedamlajuć jaje kalehi pa Kaardynacyjnaj radzie.
Taćciana Vadałažskaja — mietadołah i sacyjołah.
Jana paplečnica Uładzimira Mackieviča, była ekśpiertam Ahienctva humanitarnych technałohij i kaardynataram prahramy stvareńnia sučasnaha ŭniviersiteta ŭ Biełarusi «Latučy ŭniviersitet».
Usio, što viadoma pa jaje spravie na hety čas, paviedamlajuć pravaabaroncy.
Upieršyniu Vadałažskaja była zatrymanaja 4 žniŭnia 2021 hoda. Tady jana praviała 10 sutak na Akreścina, paśla čaho jaje adpuścili ŭ statusie padazravanaj pa č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak). Na praciahu ŭsiaho hetaha času Taćcianu niekalki razoŭ vyklikali na dopyty ŭ Śledčy kamitet.
Na minułym tydni Taćciana padała chadajnictva ŭ SK z prośbaj ab dazvole vyjechać u Litvu na lačeńnie. Siońnia jana pajšła za adkazam na svajo chadajnictva ŭ SK, ale tam joj była pradjaŭlenaja pastanova ab zaklučeńni pad vartu.
Ciapier Vadałažskaja znachodzicca ŭ SIZA №1 na Vaładarskaha. Advakat Taćciany znachodzicca pad padpiskaj ab nierazhałošvańni, tamu bolš nijakich padrabiaznaściaŭ nieviadoma.
-
U Nacyjanalnym mastackim muziei adkryłasia vystava, pryśviečanaja rasijskim pieramoham
-
«400 zorak u p***u». Machlary naduryli školnikaŭ, pradajučy im niapravilnyja adkazy da CT i CE
-
«Napišy «kalenduła» abo «bahun» — budzie toje ž samaje». Jaki smak u biełaruskaha vałoškavaha kvasu, u jakim zusim niama vałošak?
Biełaruski IT-miljarder Hurski: Maju pieršuju žonku zabiŭ hiembler5
Kamientary