У Гарадку дрэвам забіла жанчыну, у Мінску ад ветру таксама падалі дрэвы, сарвала бляху
У Гарадку дрэва ўпала на дзвюх жанчын, адна з іх ад траўмаў загінула, паведамляе МНС. У Мінску падраздзяленні ратавальнікаў таксама выязджалі на ліквідацыю наступстваў моцнага ветру.
Сёння ратавальнікі Гарадоцкага раёна атрымалі паведамленне аб дзвюх пацярпелых жанчынах на вуліцы Стараполацкай у горадзе Гарадок.
«На зямлі ляжалі дзве жанчыны, адна з іх была заблакаваная галінамі дрэва, якое ўпала побач, — распавёў начальнік дзяжурнай змены Дзмітрый Мукамол. — Мы вызвалілі жанчыну, але крыху пазней медыкі канстатавалі яе смерць. Другая жанчына, дачка загінулай, была ў прытомнасці, але адчувала востры боль у назе. Яе шпіталізавалі».
Таксама падраздзяленні Мінскага гарадскога ўпраўлення МНС сёння выязджалі на ліквідацыю наступстваў непагадзі — на дэмантаж лістоў бляхі, на распілоўку паваленых дрэў, дэмантаж пашкоджаных металічных элементаў білбордаў.
Парывы ветру дасягалі ў сталіцы 22 м/с. У нядзелю таксама захаваецца ветранае надвор'е.
А на Гродзеншчыне сёння была рэдкая з'ява — пясчаная бура.
Цяпер чытаюць
Мігранцкі крызіс, арганізаваны Лукашэнкам, — усё? Вось што паказваюць лічбы7
Каментары