Літва больш не імпартуе прыродны газ з Расіі. Гэта першая краіна ЕС, якая адмовілася ад расійскага газу
Інфармацыю пра тое, што Літва больш не купляе прыродны газ у Расіі, пацвердзіла Міністэрства энергетыкі краіны, піша delfi.lt.
«Мы — першая краіна Еўрапейскага саюза сярод краін-кліентаў «Газпрама», якая дабілася незалежнасці ад паставак расійскага газу, і гэта вынік доўгатэрміновай паслядоўнай энергетычнай палітыкі і своечасовых інфраструктурных рашэнняў», — заявіў міністр энергетыкі Дайнюс Крэйвіс.
Паводле звестак Літоўскага аператара газатранспартнай сістэмы Amber Grid, у суботу імпарт расійскага газу для патрэб Літвы паводле літоўска-беларускага злучэння склаў 0 МВт/г.
Як сцвярджае Міністэрства энергетыкі, увесь попыт на літоўскі газ задавальняецца за кошт Клайпедскага тэрмінала звадкаванага прыроднага газу (ТСПГ). Згодна з графікам, штомесяц на тэрмінал будзе паступаць тры вялікіх грузы звадкаванага прыроднага газу, якога павінна хапіць усім кліентам.
«На бліжэйшы перыяд кліенты падалі заяўкі на транспартаванне газу толькі з тэрмінала. Пры неабходнасці газ можа быць дастаўлены ў Літву таксама па газавым злучэнні з Латвіяй, а з 1 траўня — і па газавым злучэнні з Польшчай», — гаворыцца ў паведамленні міністэрства.
Газ транзітам праз Літву працягвае транспартавацца для патрэбаў Калінінграда, але ў іншым тэхнічным рэжыме, чым звычайна, забяспечваючы толькі перадачу неабходнай для транзіту колькасці газу.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары