Святы сінод РПЦ прыняў рашэнне аб пераносе Архірэйскага сабора, запланаванага на 26—29 мая, з-за «міжнароднай абстаноўкі».
Сустрэчу архірэяў цяпер плануецца правесці восенню або зімой.
«Міжнародная абстаноўка абцяжарвае прыбыццё ў Маскву многіх чальцоў Архірэйскага сабора» — гаворыцца ў паведамленні.
У папярэднім саборы ў 2017 годзе ўдзельнічалі 377 архірэяў з 22 краін свету.
Паводле статуту РПЦ, Архірэйскі сабор павінен праходзіць не радзей, чым раз на чатыры гады. Папярэдні сабор прайшоў больш чатырох гадоў таму — у канцы 2017 года.
Архірэйскі сабор быў запланаваны на 15-18 лістапада 2021 года, аднак у кастрычніку яго перанеслі на май 2022-га «ў сувязі са складаным эпідэмічным становішчам»
Варта дадаць, што цяпер кіраўніцтва РПЦ у многіх краінах сутыкнуліся з крытыкай іх пазіцыі адносна падзей ва Украіне. Прыходы УПЦ Маскоўскага патрыярхата выступілі рэзка супраць царкоўнага кіраўніцтва РПЦ.
Чытайце таксама:
Каментары