У Віцебску адразу па чатырох артыкулах за злачынствы супраць палавой недатыкальнасці судзяць маладога хлопца. Ён быў студэнтам, прафсаюзным актывістам, героем цэнтральных газет і нават удзельнікам алімпіяды «Русь Святая, храни веру православную», пішуць ННВ.
Мяркуючы па апошніх публікацыях у сацсетках, Эдуард Г. быў затрыманы ў пачатку лета мінулага года, калі павінен быў здаваць выпускныя экзамены ў адной з ВНУ Віцебска. Аднак, аб яго затрыманні не паведамлялася ў СМІ.
Пра маладога чалавека нават некалькі разоў пісала «Беларусь Сегодня». Ён удзельнічаў у прафсаюзным жыцці ВНУ, валанцёрыў на «Славянскім базары», хадзіў хроснымі хадамі па Віцебску і нават атрымаў грамату на алімпіядзе па духоўна-маральнай культуры «Русь Святая, захоўвай веру праваслаўную».
Зараз жа яму выстаўленыя абвінавачванні ў вырабе і распаўсюдзе порна (частка 2 артыкула 343 КК), у вырабе і распаўсюдзе порна з удзелам непаўналетніх (частка 2 артыкула 343-1 КК), у вырабе і распаўсюдзе порна з удзелам малалетніх (частка 3 артыкула 343-1 КК), а таксама ў распусных дзеяннях, учыненых у дачыненні да малалетняга (частка 2 артыкула 168 КК) і сэксуальным гвалце ў дачыненні да малалетніх (частка 3 артыкула 167 КК).
Паводле самых суровых санкцый аднаго з гэтых артыкулаў прадугледжана пазбаўленне волі на тэрмін ад 8 да 15 гадоў.
Крымінальная справа разглядаецца судом Кастрычніцкага раёна Віцебска, пасяджэнні праходзяць у закрытым рэжыме.
Каментары