Гэтая расіянка супраць вайны, і ёй пагражае 10 год турмы. Хто яна і што зрабіла?
Распавядаем, за што ў Расіі цяпер можа пагражаць такі вялікі тэрмін.
Вікторыі Пятровай 28 год, яна звычайная жыхарка Расіі. Дзяўчына нарадзілася ў Мурманску, а пасля пераехала ў Санкт-Пецярбург. Там яна працавала на розных дробных менеджарскіх пасадах.
Мяркуючы па ўсім, упершыню яна ўдзельнічала ў акцыях пратэсту пасля арышту Аляксея Навальнага і тады ж пачала перыядычна рабіць пасты на каляпалітычныя тэмы.
А перад самым пачаткам вайны пачала антываенную агітацыю на ўласных старонках. Двойчы таксама рэпосціла антываенныя відэа Святланы Ціханоўскай.
У сацсетках дзяўчына выкладвала відэа расійскіх і ўкраінскіх медыя. У блогах распавядала пра вялікія страты расійскага войска, паказвала кадры бамбёжак Украіны і заклікала расіян масава пратэставаць супраць вайны. А таксама абуралася, што яны не робяць гэтага.
Вікторыя ўдзельнічала ў пратэстах. Яе двойчы судзілі: першы раз далі штраф у 100$ па тагачасным курсе, наступны — 10 сутак арышту.
6 мая ў дзяўчыны прайшоў ператрус, на наступны дзень яе ўзялі пад варту. Падчас допыту яна казала, што працягне адстойваць антываенную пазіцыю.
На Вікторыю завялі крымінальную справу па ч. 2 арт. 207.3 КК РФ (публічнае распаўсюджванне заведама ілжывай інфармацыі пра выкарыстанне Узброеных сіл Расіі, выкананне дзяржаўнымі органамі сваіх паўнамоцтваў). Санкцыя артыкула прадугледжвае да дзесяці гадоў зняволення.
Цяпер яе ўтрымліваюць у СІЗА-5 Санкт-Пецярбурга.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары