Усе нашы дамоўленасці беларусамі будуць свята выконвацца, заявіў Аляксандр Лукашэнка 8 верасня на нефармальнай сустрэчы з прэзідэнтам Венесуэлы Уга Чавесам у рэзідэнцыі «Заслаўе».
Усе нашы дамоўленасці беларусамі будуць свята выконвацца, заявіў Аляксандр Лукашэнка 8 верасня на нефармальнай сустрэчы з прэзідэнтам Венесуэлы Уга Чавесам у рэзідэнцыі «Заслаўе».
«Я хачу выказаць падзяку за тую каласальную падтрымку і дапамогу, якую ты аказваеш нашай краіне. Нашы людзі ведаюць усё — і аб фінансавай падтрымцы, і аб тым, што наша нафтавая кампанія ўжо атрымала першы прыбытак», — сказаў Лукашэнка.
Ён падкрэсліў, што Беларусь вельмі абавязана венесуэльскаму народу. «Вашы просьбы для нас закон», — сказаў беларускі кіраўнік.
Уга Чавес адзначыў, што заўсёды прыязджае ў Беларусь «з адкрытым сэрцам».Паводле яго слоў, перад сустрэчай з Лукашэнкам ён наведаў МАЗ і Мінскі завод колавых цягачоў. «Для нас вельмі важныя сумесныя прадпрыемствы па вытворчасці аўтамабіляў, трактароў, якія будуць збірацца ў Венесуэле», — сказаў Чавес.
«Вельмі важныя праекты па будаўніцтве жылля, па нафтаразведцы», — заявіў прэзідэнт Венесуэлы. Ён таксама падкрэсліў, што для інтэграцыі Беларусі і Расіі «няма межаў».
Чавес перадаў Лукашэнку прывітанне ад лідэраў шэрагу дзяржаў. «Я прывёз табе прывітанні ад «восі зла». Фідэль, Рауль (браты Кастра. — БелаПАН.), Ахмадзінежад, Бутэфліка, Кадафі, Бердымухамедаў (прэзідэнты Ірана, Алжыра, лідэр лівійскай рэвалюцыі, прэзідэнт Туркменістана. — БелаПАН.) перадавалі табе прывітанні», — сказаў Чавес.
Ён таксама адзначыў, што прывітанне прэзідэнту Беларусі перадаваў прэм`ер‑міністр Італіі Сільвіо Берлусконі, з якім Чавес гутарыў па тэлефоне падчас свайго візіту ў Венецыю 7 верасня.
Чавес падкрэсліў, што Венесуэла хацела б умацаваць свае адносіны з Беларуссю.
9 верасня пройдуць афіцыйныя перамовы двух прэзідэнтаў у вузкім і пашыраным складзе.
****
У Мінск прыбыў прэзідэнт Венесуэлы Уга Чавес. Сёння ўвечары ў загараднай рэзідэнцыі ў Заслаўі адбудзецца сустрэча Уга Чавеса з кіраўніком Беларусі Аляксандрам Лукашэнкам.Яшчэ адны перамовы — у пашыраным складзе — пройдуць заўтра раніцай у будынку Адміністрацыі прэзідэнта, паведамілі ў прэс‑службе кіраўніка дзяржавы.
Лекцыя аб сітуацыі ў Лацінскай Амерыцы, з якой Чавес планаваў выступіць сёння ў Нацыянальнай бібліятэцы, адменена з‑за змяшчэння графіка візіту.
З Мінска Уга Чавес мае намер вылецець у Маскву, дзе 10 верасня плануецца яго сустрэча з прэзідэнтам Расіі Дзмітрыем Мядзведзевым, паведамляе РІА Новости.
Гэта ўжо чацвёрты візіт Уга Чавеса ў Беларусь: папярэднія адбыліся ў 2006, 2007 і 2008 гадах.
Дамоўленасць аб асабістай сустрэчы была дасягнутая 20 чэрвеня падчас тэлефоннай размовы Чавеса з Лукашэнкам, які адбыўся па ініцыятыве венесуэльскага боку.
Візіт у адказ Лукашэнкі ў Венесуэлу запланаваны на снежань гэтага года —пра гэта паведаміў 1 ліпеня на прэс‑канферэнцыі ў Мінску пасол Венесуэлы ў Беларусі Амерыка Дыяс Нуньес. «Магчыма, што падчас візіту адбудзецца адкрыццё новых сумесных заводаў у Венесуэле», — сказаў дыпламат.
Прэзідэнт Беларусі наведваў Венесуэлу з афіцыйным візітам у снежні 2007 года.
Цяпер чытаюць
Стала вядома імя яшчэ аднаго палкоўніка ДФР, арыштаванага КДБ. Ён расказваў сукамернікам, як яго катавалі6
Каментары