Лявончык: Самалёт Turkish Airlines замест Вільні ледзь не сеў у Мінску
Самалёт кампаніі Turkish Airlines замест Вільні ледзь не пасадзілі ў Мінску. Пра гэты выпадак расказаў на сваёй старонцы ў Facebook сузаснавальнік By_help Аляксей Лявончык. Пры гэтым ён адзначыў, што на борце было некалькі яго знаёмых, якім пры пасадцы ў Мінску пагражалі б вялікія праблемы.
Рэйс ТК1407 Turkish Airlines, які 9 чэрвеня ляцеў са Стамбула ў Вільню, трапіў над літоўскай сталіцай у навальніцу і ўвайшоў у рэжым чакання — пачаў кружляць над аэрапортам. У нейкі момант пілот паведаміў пасажырам, што калі з-за надвор'я ў Вільні прызямліцца не атрымаецца, прыйдзецца ляцець у Мінск.
«Як бачыце на мапе, рэйс аблятаў беларускую тэрыторыю ў адпаведнасьці з санкцыямі. Аднак чаму пілот вырашыў, што сядаць ён будзе ў Менску, калі на куды меншай адлегласці была Коўня і на адлегласці ў паўтара раза далей была Рыга, якія былі адкрытыя, я не разумею. Паліва да любога з гэтых аэрапортаў дакладна б хапіла, я бачыў перанакіраванні рэйсаў і ў больш далёкія пункты», — напісаў ён.
У выніку самалёт паспяхова прызямліўся ў Вільні. Але ўлічваючы саму патэнцыйную гатоўнасць турэцкіх пілотаў ляцець, калі што, у Мінск, Лявончык не раіць беларусам, якім пагражаюць рэпрэсіі на радзіме, карыстацца пры палётах у Вільню паслугамі кампаніі Turkish Airlines. Іначай можа паўтарыцца гісторыя з Раманам Пратасевічам і Сафіяй Сапега.
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
-
МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай
-
Жанчыну-пульманолага з 30-гадовым стажам адправілі ў калонію па трох палітычных артыкулах
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары