Падчас святкавання Дня горада 12—13 верасня мінская міліцыя будзе несці службу ва ўзмоцненым рэжыме. Пра гэта паведамілі ў ГУУС Мінгарвыканкама.
Большасць з запланаваных мерапрыемстваў гарадскога ўзроўню адбудуцца на праспекце Пераможцаў на ўчастку ад плошчы Свабоды да праспекта Машэрава, а таксама на пляцоўцы каля Нацыянальнай бібліятэкі. У мэтах бяспекі месцы іх правядзення будуць агароджаны турнікетамі, а праход грамадзян будзе ажыццяўляцца праз кантрольна-прапускныя пункты, абсталяваныя як стацыянарнымі, так і ручнымі металадэтэктарамі.
Колькасць КПП будзе дастатковай для забеспячэння праходу ўдзельнікаў, гасцей і гледачоў свята з улікам правядзення неабходных надглядных мерапрыемстваў, адзначылі ў ГУУС.Сталічная міліцыя рэкамендуе прыбываць да месца правядзення масавых мерапрыемстваў своечасова. У мэтах бяспекі ў пунктах пропуску будзе ажыццяўляцца відэадакументаванне. У месцах правядзення масавых мерапрыемстваў будзе працаваць сістэма відэаназірання.
Міліцыя нагадвае, што падчас правядзення масавых мерапрыемстваў, у прыватнасці,
забараняецца: мець пры сабе зброю, выбуховыя рэчывы, боепрыпасы, іх імітатары і муляжы; праносіць алкагольныя, слабаалкагольныя напоі, піва, а таксама любыя іншыя напоі, за выключэннем безалкагольных прахаладжальных напояў у празрыстай пластыкавай тары ёмістасцю не больш чым 0,5 літра; праносіць буйнагабарытныя рэчы.Акрамя таго, на масавыя мерапрыемствы не будуць дапускацца асобы ў стане ап'янення, раварысты, грамадзяне з свойскай жывёлай.
У сувязі з правядзеннем гарадскіх святочных мерапрыемстваў 12 верасня з 9.00 будзе абмежаваны рух транспарту па праспекце Машэрава ад вуліцы Ціміразева да вуліцы Даўмана, з 09.45 па праспекце Пераможцаў ад вуліцы Леніна да вуліцы Радужнай. Акрамя таго, не выключана абмежаванне руху і на іншых тэрыторыях, сумежных з месцам правядзення мерапрыемстваў. У названых месцах таксама будзе забаронена паркоўка транспартных сродкаў.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары