ААН: з пачатку вайны ва Украіне загінулі як мінімум 4634 мірныя жыхары, выехалі каля 8 мільёнаў чалавек
З пачатку вайны ва Украіне загінула больш за 4,5 тысяч мірных жыхароў, а больш за 5700 чалавек атрымалі раненні, паведамляе Упраўленне Вярхоўнага камісара ААН па правах чалавека (OHCHR). Таксама з пачатку вайны Украіну пакінула больш за восем мільёнаў чалавек, паведамляе Упраўленне Вярхоўнага камісара ААН па справах бежанцаў (UNHCR).
Па звестках OHCHR, вайна забрала жыцці 1780 мужчын, 1194 жанчын, 148 хлопчыкаў і 131 дзяўчынак, а таксама 41 дзіцяці і 1340 дарослых (іх пол пакуль не ўдалося высветліць).
У ААН мяркуюць, што рэальныя страты могуць быць значна вышэйшыя: гэта звязана з затрымкай інфармацыі з месцаў, дзе вяліся актыўныя баявыя дзеянні (уключаючы Марыупаль, Ізюм і Севераданецк), многія паведамленні адтуль усё яшчэ чакаюць пацверджання.
Што да бежанцаў, то больш за ўсё іх адправілася ў Польшчу — па дадзеных ААН на 21 чэрвеня, краіна прыняла больш за 4 млн украінцаў. Таксама бежанцы едуць у Румынію, Малдову, Славакію, Венгрыю і іншыя еўрапейскія краіны.
У Расію з Украіны, паводле звестак UNHCR, з пачатку вайны прыбыло больш за 1,3 млн чалавек.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары