Кіраўнік Луганскай вобласці дапусціў, што ўкраінскія войскі могуць пакінуць Лісічанск
Адступленне з пярэдніх пазіцый у апошнім буйным горадзе Луганшчыны, які застаецца пад кантролем Украіны, дазволіць пазбегнуць акружэння, паведаміў кіраўнік Луганскай аблваенадміністрацыі Сяргей Гайдай.
«Каб пазбегнуць акружэння, наша камандаванне можа аддаць войскам прыказ адступіць на новыя пазіцыі, — сказаў Гайдай у звароце. — Увесь Лісічанск знаходзіцца ў межах даступнасці іх агню. У горадзе вельмі небяспечна».
Ён таксама адзначыў, што наземнае злучэнне з горадам пакуль адкрытае і эвакуацыя цывільных грамадзян працягваецца, абвергнуўшы інфармацыю расійскай прапаганды пра тое, што нібыта горад акружаны і адрэзаны ад забеспячэння.
Лісічанск і Севераданецк з'яўляюцца асноўнай мэтай расійскай ваеннай кампаніі ў Данбасе і Расія кінула значныя сілы на гэты напрамак. У офісе прэзідэнта Украіны заявілі, што баі ў гэтым рэгіёне ўваходзяць у вырашальную фазу.
-
Пяскоў: Перамовы Пуціна з Зяленскім магчымыя толькі ў Маскве
-
Мінэнерга Украіны заявіла, што Расія аднавіла ўдары па інфраструктуры. Зяленскі кажа, што мэтанакіраваных удараў не было
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ29
Каментары