Нерухомасць1212

Засяленне ў «люкс» — з дазволу райвыканкама. Паглядзелі на гасцініцы ў беларускай правінцыі

Вывучылі цэны на пражыванне і выгляд нумароў у гасцініцах у самых бедных рэгіёнах краіны.

Гасцініца «Шаркаўшчына»

Па выніках мінулага года, на апошнім месцы па ўзроўні сярэдняй зарплаты апынулася Шаркаўшчына. У пасёлку гарадскога тыпу з насельніцтвам каля 6 тысяч чалавек ёсць адна гасцініца з аднайменнай назвай. 

Знаходзіцца яна па адрасе вуліца Камсамольская, 17. У ёй 18 нумароў на 38 чалавек. 

Сярод 18 нумароў тры пазначны як «люкс». Галоўнае адрозненне ад звычайных пакояў у тым, што ў іх есць душ. Пастаяльцам астатніх 15 нумароў даводзіцца карыстацца агульным душам на паверсе. 

Суткі пражывання ў двухмесным «люксе» абыдуцца ў 38 рублёў 58 капеек. Нумары сярэдняга ўзроўню (па Шаркаўчынскіх мерках) каштуюць яшчэ танней — 24,60 рубля. 

Але з люксавымі нумарамі ў Шаркаўшчыне не ўсё так проста, бо без дазволу ад мясцовага райвыканкаму для засялення дасяжны толькі адзін з трох нумароў. На іншыя два ёсць бронь ад выканкама, таму засяляць туды пастаяльцаў ці не, будуць вырашаць чыноўнікі, а не супрацоўнікі гасцініцы. Па словах апошніх, райвыканкам даволі рэдка дазваляе пускаць гасцей у свае «люксы». 

Гасцініца «Мсціслаў»

У Мсціславе з насельніцтвам каля 10 тысяч чалавек таксама ёсць толькі адна гасцініца з 41 пакоем на 74 месцы. Адрас — вуліца Пралетарская, 53. 

Нягледзячы на тое, што сам раён па заробках амаль не адрозніваецца ад Шаркаўшчыны, гасцініца тут зусім іншага ўзроўню. 

Душавыя пакоі ёсць амаль ва ўсіх нумарах. Інтэр'еры таксама радуюць, бо ў 2021 годзе гасцініца перажыла капітальны рамонт.

Фота: mstislavl.gov.by

Кошт ложка-месца ў нумарах вышэйшай катэгорыі складае 53 рублі 36 капеек. За гэтыя грошы вы атрымаеце двухмесны двухпакаёвы нумар з халадзільнікам, тэлевізарам, душам і іншымі рэчамі неабходнымі для пражывання.

Суткі ў аднамесным нумары 1-га разраду каштуюць 40 рублёў 13 капеек. Азнаёміцца з цэнамі на пражыванне можна па спасылцы.

Слаўгарад, гасцініца «Сож» 

Слаўгарадская гасцініца носіць назву не райцэнтра, а ракі, на якой стаіць гарадок з насельніцтвам каля 8 тысяч чалавек. Адначасова ў гасцініцы па адрасе вуліца Кастрычніцкая, 3а можа пражываць да 40 пастаяльцаў. У гасцініцы ёсць адзін нумар «люкс» і адзін «паўлюкс». Ноч пражывання ў «люксе» абыдзецца ў 29,25 рубля. За гэтыя грошы вы атрымаеце нумар з халадзільнікам, гарачай вадой і тэлевізарам. За месца ў «паўлюксе» без тэлевізара прыйдзецца выкласці 16,44 рубля.

Фота: belarushotels.by

Водгукаў у «Сож» у Google хапае — 101 каментар, паводле якіх гасцініца атрымала 3 зоркі з 5 магчымых. Адшукаць актуальны кантакт можна на сайце выканкама.

Круглае, гасцініца «Друць»

Самае таннае месца ў гасцініцы «Друць» абыдзецца ў 15,60 рубля, а самае дарагое — у 29,30 рубля. Месціцца гасцініца па адрасе вуліца Савецкая, 36.

Сыходзячы з інфармацыі на сайце райвыканкама, у гасцініцы ёсць невялікі бар і більярдны стол.

Калі датэлефанавацца ў адзіную Круглянскую гасцініцу не атрымаецца, то вы можаце паспрабаваць заначаваць у экатурыстычным комплексе «Мікалаеўскія сажалкі». На тэрыторыі комплексу знаходзіцца гасцініца «Лада». Суткі пражывання — ад 44 рублёў за чалавека ў аднамесным нумары (55 за двух чалавек) да 85,80 рубля за ноч у двухмесным «люксе». 

Двухмесны «люкс». Фота: nikolaevprud.by

Знайсці кантактныя нумары і падрабязней азнаёміцца з прапановай ад «Мікалаеўскіх сажалак» можна на сайце арганізацыі.

Гасцініца «Чавусы»

У Чавусах ёсць гасцініца з аднайменнай назвай. Яна разлічана на 74 чалавекі, якія могуць размесціцца ў 27 нумарах рознага ўзроўню камфартабельнасці.

Танней за ўсё абыдзецца койка-месца з падсяленнем — усяго 21 рубель. Душ і прыбіральня агульныя на блок з 2-3 нумароў.

Суткі ў нумары павышанай камфортнасці каштуюць 48 рублёў. Некалькі год таму раённая гасцініца перажыла рэканструкцыю, таму нумары выглядаюць цалкам годна.

Каментары12

  • дочка Макса Дизайнера
    09.07.2022
    божэчки, ну як жа ж гэта усё прыукрасна
    я лучшэва трэша у жызни не видзела
    бацька, я либлю тибя - чмоки-чмоки
  • умка
    09.07.2022
    «Но с люксовыми номерами в Шарковщине не все так просто, так как без разрешения от местного райисполкома для заселения доступен только один из трех номеров. На другие два есть бронь от исполкома, поэтому заселять туда постояльцев или нет — будут решать чиновники, а не сотрудники гостиницы.»

    ёптыць. а дзе нам с олей атпразнаваць маё савершэнналетие?
  • Максим Дизайнер
    09.07.2022
    дочка Макса Дизайнера

    Не пиликайте. Стеклянное панно в Шарковщине очень красивое. Жрите по-меньше сосисок и всякого г из пластиквых баночек из прикорытного ритейла.

Цяпер чытаюць

Ваяр з Беларускага добраахвотніцкага корпуса: Я жыў у ружовай бурбалцы2

Ваяр з Беларускага добраахвотніцкага корпуса: Я жыў у ружовай бурбалцы

Усе навіны →
Усе навіны

«У вас ёсць усяго некалькі хвілін». Што рабіць, калі навальніца, ураган або смерч засталі на прыродзе2

На гарадзішчы на Менцы знайшлі фрагмент амфары з рунай11

Прэм'ер Даніі: ЕС трэба пераўзброіцца за гэтыя пяць гадоў2

У Канадзе раскрыта змова «антыўрадавага апалчэння» з удзелам вайскоўцаў2

Кіраўнік кадравай службы Трампа Серхіа Гор аказаўся ўраджэнцам Ташкента Сяргеем Гарахоўскім11

«Самае прыгожае свята лета». Турысты расказалі, як з'ездзілі на Купалле ў Сулу3

Святлана Ціханоўская сустрэлася з міністрам унутраных спраў Літвы. Размова ішла па-беларуску12

«Кідае ў нас кучы гаўна». Трамп заявіў пра сваю незадаволенасць Пуціным6

Пазняк перайшоў да абразаў Ціханоўскага: «Істота тарабаніць увесь час»172

больш чытаных навін
больш лайканых навін

Ваяр з Беларускага добраахвотніцкага корпуса: Я жыў у ружовай бурбалцы2

Ваяр з Беларускага добраахвотніцкага корпуса: Я жыў у ружовай бурбалцы

Галоўнае
Усе навіны →

Заўвага:

 

 

 

 

Закрыць Паведаміць