У раёне Клайпеды правялі вайсковыя вучэнні НАТА, пра якія не папярэдзілі нават мясцовыя ўлады
Сёння ўвечары людзі ў Клайпедзе і на балтыйскім узбярэжжы Літвы былі ўстрывожаныя. І для гэтага былі падставы — яны бачылі ў небе нейкія ўспышкі, а да расійскай Калінінградскай вобласці адсюль усяго некалькі дзясяткаў кіламетраў.
Пры гэтым у горадзе, дзе няма ні аэрапортаў, ні вайсковых аэрадромаў, ніякіх вучэнняў у гэтым раёне не анансавалася. Таму натуральна, што думалася пра пачатак сапраўднай вайны.
Толькі неўзабаве мэр горада Паланга Шарунас Вайткус паведаміў, што на літоўскім узмор'і ў раёне Клайпеды, аказваецца, праходзілі «вучэнні, пра якія ні жыхароў, ні прадстаўнікоў улады ніхто не папярэдзіў». Знішчальнік НАТА выпускаў падчас іх сігнальныя ракеты.
Жыхары знялі момант вучэнняў і дзяліліся відэа пра гэта. А тэлефон, паводле ягоных слоў, стаў «чырвоным ад званкоў».
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары