Гэта першы прысуд па артыкуле аб «распаўсюджванні фэйкаў пра расійскія войскі» з рэальна прызначаным тэрмінам, піша «Радио Свобода». 60-гадовы юрыст Аляксей Горынаў асуджаны за выступ на пасяджэнні муніцыпальнага савета, на якім прысутнічала некалькі чалавек.
На пачатку красавіка пракрамлёўскія тэлеграм-каналы распаўсюджвалі спасылку на запіс пасяджэння, якое адбылося 15 сакавіка. Дэпутаты, па прапанове Горынава, аб'явілі хвіліну маўчання ў памяць аб ахвярах агрэсіі ва Украіне. Дэпутат таксама адзначыў, што ўсе намаганні грамадзянскай супольнасці ў Расіі павінны быць накіраваныя на тое, каб спыніць вайну.
У апошнім слове Горынаў заявіў, што лічыць вайну «самым хуткім сродкам расчалавечвання».
«Я мяркую, што Расія вычарпала свой ліміт на войны яшчэ ў XX стагоддзі. Аднак наша рэчаіснасць — гэта Буча, Ірпень, Гастомель. Вам кажуць нешта гэтыя імёны? Пацікаўцеся і не кажыце потым, што нічога не ведалі», — сказаў ён.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары