У Латвію не ўпусцілі 12 грамадзян Беларусі праз падтрымку вайны ва Украіне
Агулам у Латвію па рэкамендацыях Службы дзяржаўнай бяспекі не пусцілі 53 замежнікаў.
Ад моманту ўварвання расійскіх узброеных сіл ва Украіну Служба дзяржаўнай бяспекі (СДБ) Латвіі ў супрацоўніцтве з Дзяржаўнай памежнай службай ажыццяўляе ўзмоцнены кантроль уезду замежнікаў у Латвію ў пунктах перасячэння ўсходняй мяжы.
Праз выяўленыя СДБ рызыкі для нацыянальнай бяспекі Латвіі 53 замежнікам было адмоўлена ва ўездзе ў Латвію ў пунктах перасячэння мяжы, паведамілі ў службе парталу Delfi.
Сярод іх 35 грамадзян Расіі, 12 грамадзян Беларусі, а таксама пяць грамадзян іншых краін, якія, па ацэнцы Службы бяспекі, маглі ўяўляць пагрозу нацыянальнай бяспецы Латвіі. Тым, у каго была дзеючая віза для паездак у Шэнгенскую зону, яе анулявалі.
Беларусаў і расіян, якія ўязджаюць у Латвію, старанна правяраюць у пунктах памежнага кантролю.
Мэта праверак — выявіць тых, хто падтрымлівае ваенную агрэсію Расіі супраць Украіны і можа прадстаўляць пагрозу нацыянальнай бяспецы Латвіі.
Асаблівая ўвага надаецца замежнікам, якія служылі ў сілавых структурах Расіі ці Беларусі, публічна дэманструюць сімвалы падтрымкі расійскай агрэсіі або выказваюць негатыўнае стаўленне да латвійскай дзяржавы.
Большая частка замежнікаў, якім было адмоўлена ва ўездзе ў Латвію, адкрыта выказвала сваю падтрымку ваеннай агрэсіі Расіі супраць Украіны і яе народа, выкарыстоўваючы тыповыя крамлёўскія прапагандысцкія пасланні.
-
Ізраіль ліквідаваў камандуючага сіламі спецыяльнага прызначэння КВІР Макадама, якога падазравалі ў арганізацыі замаху на Трампа
-
Цырымонія развітання з Хаменеі перанесена «па шматлікіх просьбах грамадзян»
-
Актыўны палітык з ідэямі ісламскай рэвалюцыі, больш радыкальны, чым бацька. Хто такі Маджтаба Хаменеі
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары