Хлопец спрабаваў выгнаць з універсітэта сяброўку з Tinder. Цяпер ён вінен ёй 150 тысяч даляраў
23-гадовы брытанец Олівер Мілз-Нанін, матрос яхты, спрабаваў выгнаць з універсітэта дзяўчыну, якая перастала перапісвацца з ім у Tinder. Цяпер ён павінен выплаціць каля 155 тысяч даляраў.
Олівер пазнаёміўся з Скарлет Д’ю, студэнткай медыцынскага факультэта Манчэстэрскага ўніверсітэта, у 2019 годзе праз Tinder. Спачатку паміж ім і дзяўчынай завязалася сяброўства, але праз некалькі месяцаў перапіскі яна пачала заўважаць, што паводзіны Олівера робяцца ўсё больш нестабільнымі, і спыніла камунікацыю з ім, піша The Times.
Згодна з данымі суда, пасля гэтага кроку дзяўчыны Мілз-Нанін пачаў яе пераследваць. Ён стварыў асобныя акаўнты ў сацсетках, дзякуючы якім мог звязвацца з Скарлет і быць падпісаным на яе сяброў і сваякоў.
У нейкі момант ён пагадзіўся спыніць свае заляцанні, але замест гэтага напісаў ліст сумнеўнага зместу ва ўніверсітэт Скарлет. У лісце Олівер абвінаваціў былую сяброўку ў тым, што яна нібыта пераследуе яго, і папрасіў кіраўніцтва ўніверсітэта выключыць дзяўчыну з яго. Ён сцвярджаў, што мае судовы загад, які забараняе Скарлет яго дапякаць, але паколькі яна вучыцца ў Манчэстэры, яму нібыта страшна выходзіць з дома.
У адказ Скарлет падала грамадзянскі пазоў супраць хлопца. Суддзя прысудзіла яму шэсць месяцаў умоўнага турэмнага тэрміну за тое, што Олівер парушыў абавязацельства спыніць кантакт з дзяўчынай. Таксама Мілз-Нанін павінен выплаціць былой сяброўцы 36 тысяч даляраў у кошт маральнай шкоды і амаль 118 тысяч даляраў, каб пакрыць судовыя выдаткі Скарлет.
Джэй Ло і Бен Афлек нарэшце ажаніліся! Згадваем іх гісторыю кахання
«Самы інтымны ўчынак у сямейным жыцці — купіць радыску». Мужчыны разважаюць пра каханне, рамантыку і беларускіх жанчын
Іна Кулей: Мілінкевіч перамог смерць, але шлях да поўнага адужання няблізкі4
Каментары
)))
Не много таких кого этим так просто не купишь, но есть:)
Такие сами бабами вертят