Палітвязні Дзмітрый Шчурко і Ігар Лосік у калоніі спяць на другім ярусе «шконак», святло на ноч там не выключаюць
Палітзняволеных Дзмітрыя Шчурко і Ігара Лосіка ў наваполацкай калоніі №1 утрымліваюць у адным атрадзе — сёмым. «Брэсцкай Вясне» сталі вядомыя ўмовы іх утрымання: нельга займацца спортам, спяць палітвязні толькі на другім ярусе «шконак», пры гэтым у пакоі ўвесь час гарыць святло, што замінае спаць ноччу.
Ігар Лосік утрымліваецца ў няволі ўжо два гады. Яму прысудзілі 15 гадоў пазбаўлення волі па «справе Ціханоўскага». У калоніі яго паставілі на два прафулікі, а таксама зрабілі вымову за тое, што дрэнна пагаліўся.
Дзмітрыя Шчурко спачатку асудзілі за «крадзеж рацыі» ў амапаўца падчас акцыі пратэсту да двух гадоў «хіміі». Але ў студзені 2022 года палітвязня асудзілі яшчэ па трох артыкулах Крымінальнага кодэкса. Канчаткова яму прызначылі 2 гады і 6 месяцаў калоніі.
Каментары
сістэма сама вырошчвае рэвалюцыянераў.
калі чалавек не зламаецца пасля такіх выпрабаванняў, значыць ён закаліцца