Пастаўлены новы антырэкорд па колькасці занятых у беларускай эканоміцы
У чэрвені гэтага года ў эканоміцы было занята 4 млн 207 тыс. чалавек, паведамляе Белстат. Цяперашні паказчык — новы гістарычны мінімум па колькасці занятага ў эканоміцы насельніцтва, адзначае «Экономическая газета».
У маі занятых у эканоміцы было больш — 4 млн 212,8 тыс. чалавек. Атрымліваецца, што толькі за месяц Беларусь пазбавілася 5,8 тыс. работнікаў.
Скарачэнне занятасці працягваецца з сакавіка. І эканамісты бачаць тры асноўныя фактары, якія на гэта ўплываюць:
1. Дэмаграфічная праблема — змяншэнне колькасці грамадзян працаздольнага ўзросту, якое ў 2017—2022 гадах запавольвалася павышэннем пенсійнага ўзросту, але паскаралася кавід-пандэміяй.
2. Эканамічныя праблемы, якія не дазваляюць працаўладкавацца на прымальных для грамадзян умовах, з годным заробкам, а наймальнікам — даць грамадзянам такія ўмовы.
3. Працоўная эміграцыя як адказ на пагаршэнне эканамічных умоў і эміграцыя па сацыяльных і палітычных прычынах, а цяпер ужо і з-за рэзкага ўзмацнення санкцый, што перакрэсліла надзеі многіх на лепшыя часы.
І калі эканамічны і сацыяльна-палітычны фактары эміграцыі часовыя (людзі вернуцца), то фактар страты надзей на хуткія пазітыўныя перамены, да таго ж з перспектывай новай «жалезнай заслоны» з'яўляецца самым негатыўным. З-за гэтага краіну назаўжды пакідаюць найбольш актыўныя і амбіцыйныя маладыя людзі, адзначае «Экономическая газета».
Цяпер чытаюць
За палітыку асудзілі шматдзетнага бацьку-верніка. Яго жонка памерла два гады таму6
Каментары
Насчёт эмиграции могу сказать по своему кругу общения. Выехали почти все. С семьями. Половина навсегда.