Праваслаўная царква Украіны папрасіла cусветнага патрыярха пазбавіць пасады кіраўніка РПЦ Кірыла
Святы сінод Праваслаўнай царквы Украіны звярнуўся з лістом да Усяленскага Патрыярха Варфаламея, у якім просіць пазбавіць маскоўскага патрыярха Кірыла, які прапаведуе расісцкія вучэнні пра «рускі свет», пасады.
У лісце Сінода адзначаецца, што ідэалогія сучаснай РПЦ утрымлівае пагрозу не толькі для Украіны, але і для ўсяго праваслаўнага свету. Ліст аб прыцягненні расійскага патрыярха да кананічнай адказнасці і пазбаўленні яго патрыяршага пасаду ўхвалены на пасяджэнні Святога сінода ПЦУ 27 ліпеня і апублікаваны на афіцыйнай старонцы Царквы.
У звароце адзначаецца, што 15 сакавіка гэтага года, у тыдзень праваслаўя была апублікаваная дэкларацыя пра «рускі свет», у якой адзначаецца, што «рускі свет» — гэта неправаслаўная, ерэтычная дактрына, блізкая да вучэння этнафілетызму, што было асуджана на Канстанцінопальскім саборы 1872 года.
«Разам з тым важна разумець, што ідэалогія сучаснай РПЦ утрымлівае пагрозу не толькі для Украіны, але і для ўсяго праваслаўнага свету… Пачынаючы як мінімум з кастрычніка 2018 года ўсе дзеянні патрыярха Кірыла падпарадкаваныя канкрэтнай палітычнай мэце. Ён імкнецца радыкальна павялічыць прысутнасць РПЦ за межамі Расіі, максімальна аслабіць Усяленскі патрыярхат і грэкамоўныя памесныя царквы і такім чынам навязаць праваслаўнаму свету гегемонію і дыктат Маскоўскага патрыярха», — гаворыцца ў лісце.
Сінод звяртаецца да Варфаламея з просьбай: асудзіць дактрыну «рускага свету» і прызнаць яе ерэтычнай; кваліфікаваць дзеянні Патрыярха Кірыла, які адкрыта і адназначна публічна ўхваляе і падтрымлівае вайну Расіі супраць Украіны, і пазбавіць яго права займаць Маскоўскі патрыяршы пасад.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны24
Каментары