Шукаюць валанцёраў на раскопкі гарадзішча, дзе знаходзіўся старажытны Мінск
Далучыцца да даследчыцкай працы заклікае заснавальнік сядзібы-музея «Стары Менск» Глеб Лабадзенка ў Фэйсбуку.
«…Сёння было ўсяго тры чалавекі, а для паўнацэннай працы трэба 10-15. Такімі тэмпамі можна не паспець да восені самае важнае — дайсці да асновы вала і ўзяць на аналіз фрагмент дрэва, з якога зроблены каркас. Гэта з вялікай верагоднасцю дазволіць удакладніць узрост Менска і, хутчэй за ўсё, значна «састарыць» сталіцу.
Калі нехта можа пад’ехаць на раскопкі ў нейкі дзень з 10 да 15 гадзін, гэта будзе вялікая дапамога ў даследаванні Менска на Менцы! Раскопкі адбываюцца непасрэдна на верхняй пляцоўцы вала, паблізу валуна «Тут у Х стагоддзі пачынаўся Менск». Інвентар можна атрымаць у музеі».
Як даехаць — глядзіце на сайце www.starymensk.by
Тым, хто вырашыць дапамагчы на раскопках, варта абавязкова папярэдне звязацца з археолагам Андрэем Вайцяхоўскім па нумары 80295782375. Раскопкі могуць адбывацца не штодня.
Цяпер чытаюць
Бліжэйшым часам будуць вызвалены больш за 150 палітзняволеных29
Каментары