Урад Латвіі падоўжыў рэжым надзвычайнай сітуацыі каля мяжы з Беларуссю
Урад Латвіі падоўжыў рэжым надзвычайнай сітуацыі на мяжы з Беларуссю да 10 лістапада. Рашэнне было прынята 9 жніўня на закрытым пасяджэнні, піша Delfi.lv.
Рэжым надзвычайнай сітуацыі ў памежных раёнах быў уведзены год таму, 11 жніўня 2021 года, калі з тэрыторыі Беларусі пачала ісці хваля нелегальнай міграцыі. Потым яго некалькі разоў падаўжалі — з увагі на міграцыйны крызіс, створаны беларускімі ўладамі.
У МУС Латвіі кажуць, што за гэты час агулам было спынена 6777 спробаў незаконнага перасячэння дзяржаўнай мяжы.
За апошнія месяцы іх колькасць зменшылася: у маі было зафіксавана 20 спробаў незаконнага перасячэння мяжы, у чэрвені — 96, а ў ліпені — толькі пяць.
Неўзабаве ў Латвіі плануюць за прыкладам Польшчы і Літвы пачаць будаўніцтва пастаяннага плота на мяжы з Беларуссю.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»7
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары