Гатэль «Пекін» у Мінску з 1 студзеня прыпыняе працу на тэрмін да трох месяцаў у сувязі з рэканструкцыяй сістэмы пажарнай бяспекі.
24 снежня партнёры Beijing Hotel Minsk атрымалі адпаведны ліст. Пра гэта паведамляе Рэспубліканскі саюз турыстычных арганізацый.
«Дзейнасць гасцінічнага комплексу «Пекін» (вул. Чырвонаармейская, 36) прыпыняецца для правядзення рэканструкцыі сістэмы пажарнай бяспекі. Прыпыняецца работа аб’екта абслугоўвання (гасцініцы), а таксама ўсіх аб’ектаў аказання паслуг, гандлю і грамадскага харчавання», — гаворыцца ў паведамленні, адрасаваным у тым ліку турыстычным кампаніям.
1 студзеня 2026 года гатэль прымае толькі выезд гасцей, а з 2 студзеня пражыванне цалкам прыпыняецца. Браніраванні на гэты перыяд адменены, сайт ужо не прымае новыя заяўкі.
Беларускія турыстычныя фірмы, якія забраніравалі нумары для кліентаў на навагоднія святы, сутыкнуліся з сур’ёзнымі цяжкасцямі: знайсці раўнацэнную замену ў высокі сезон даволі складана.
Нават пры наяўнасці свабодных нумароў у іншых гатэлях давядзецца даплачваць каля 100 даляраў у суткі за двухмесны нумар — што многія турысты не гатовыя зрабіць. Сітуацыя патрабуе тэрміновага пошуку альтэрнатыў і перамоваў з кліентамі.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 20263
Каментары