«Пародыя». Макрон рэзка выказаўся пра «рэферэндумы» на акупаваных украінскіх тэрыторыях
Прэзідэнт Францыі Эмануэль Макрон раскрытыкаваў намеры Расіі правесці так званыя «рэферэндумы» на акупаваных тэрыторыях Украіны, назваўшы іх «правакацыяй» і «цынізмам».
«Гэта яшчэ адна правакацыя, якая, на наш погляд, не будзе мець ніякіх наступстваў для нашай пазіцыі: Расія павінна сысці з тэрыторыі Украіны і выконваць прызнаныя межы», — падкрэсліў французскі прэзідэнт.
«Арганізацыя рэферэндумаў на тэрыторыях, пацярпелых ад бамбардзіровак, дзе людзі былі вымушаныя бегчы, з'яўляецца прыкметай цынізму», — дадаў ён.
«Ідэя рэферэндуму ў Данбасе была б смешнай, калі б яна не была такой трагічнай», — заявіў прэзідэнт Францыі.
«Рэферэндумы на Данбасе не будуць мець юрыдычных наступстваў, увесь працэс — гэта пародыя», — сказаў Макрон.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары