Тэлеграм выдаліў каналы расійскіх прапагандыстаў. Сярод іх — Russia Today і неанацысцкага атрада «Русіч»
Гэта адбылося сёння — акурат у гэты ж дзень заблакавалі каналы беларускіх прапагандыстаў.
Сёння, адразу пасля блакавання каналаў беларускіх прапагандыстаў, былі выдаленыя каналы некаторых расійскіх. Сярод іх — канал Russia Today, на які былі падпісаныя больш за 500 тысяч чалавек, і канал неанацыскага атрада «ДШРГ Русич», на які падпісаліся каля 30 тысяч чалавек.
Таксама выдалены канал прапагандыста Канстанціна Прыдыбайлы з некалькімі тысячамі падпісчыкаў.
Самы адыёзны з выдаленых каналаў, здаецца, быў канал «ДШРГ Русич». Да прыкладу, там учора выклалі інструкцыю па тым, як забіваць і катаваць палонных украінцаў. Яны заклікалі не браць украінцаў у палон, бо «тады іх не абмяняюць»:
«Адсекчы пальцы, адрэзаць вуха, удары ў вобласць пахвіны і суставаў, загнаць іголкі пад пазногці. Пасля допыту — палонных або расстрэльвайце, або зарэжце. Нанесці раненне трэба ў вобласць пячонкі (каб выключыць шанец выжывання) і пахвіны. Пажадана, каб усе прынялі ў гэтым удзел, каб у далейшым усе трымалі ў таямніцы тое, што адбылося».
Праўда, што тады будзе з расійскімі палоннымі, іх чамусьці цікавіць мала.
Чытайце яшчэ:
Прапагандысты паспрабавалі выставіць польскага блогера фанатам Лукашэнкі. А ён сказаў, што беларусы не хочуць гэтай улады
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары