Мільярдэр Ілан Маск узначаліў самы вядомы рэйтынг найзаможнейшых бізнэсменаў у ЗША — штогадовы спіс «Forbes». У штогадовы «хіт-парад» прэстыжнага выдання ўвайшлі 400 самых прадпрымальных і багатых людзей ЗША.
Маск у 2021 годзе быў названы самым багатым чалавекам у свеце, але па версіі выдання Bloomberg. Цяпер жа ён першы і паводле штогадовага рэйтынгу Forbes.
Багацце Маска — 251 млрд даляраў. Уражвае, наколькі хутка яно расло: яшчэ год таму Маск меў «толькі» 191 млрд, у 2020-м — 68 млрд, а пяць гадоў таму — каля 20 млрд даляраў.
Вечны канкурэнт Маска, стваральнік Amazon Джэф Безас, саступае вельмі значна, у яго «ўсяго толькі» 151 млрд.
Трэцяе месца заняў Біл Гейтс — 106 мільярдаў даляраў.
«Найбяднейшы» з фігурантаў спісу ў гэтым годзе мае 2,7 млрд даляраў.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары
продал всю недвижимость и поселился в лачуге...