У Асіповічах 15-гадовы падлетак згвалтаваў 14-гадовую аднакласніцу
Выпадак адбыўся ў ноч з пятніцы на суботу. У Асіповічах кампанія школьнікаў вырашыла закаціць шумную вечарынку.
На вуліцы яны папрасілі чалавека дапамагчы затарыцца гарэлкай і півам, пасля чаго пайшлі на кватэру да аднакласніцы. Бацькі дзяўчынкі працавалі ў начную змену.
Бліжэй да ночы гаспадыня вечарынкі захмялела і заснула. Станам дзяўчыны скарыстаўся адзін з аднакласнікаў. Калі астатнія ўдзельнікі вечарыны выйшлі на чарговы перакур, ён пачаў яе гвалтаваць. Ахвяра хутка прыйшла ў прытомнасць і дала крыўдзіцелю адпор. У выніку хлопца прагналі і выклікалі міліцыю.
На школьніка завялі крымінальную справу за згвалтаванне непаўналетняй. Яму пагражае да пяці гадоў турмы.
Каментары