У Мазыры частку вуліцы Камсамольскай хочуць перайменаваць у гонар Філарэта, гараджане супраць
Мазырскі раённы савет дэпутатаў абвясціў правядзенне грамадскіх слуханняў аб перайменаванні часткі вуліцы Камсамольскай. Яе плануюць перайменаваць у гонар Мітрапаліта Філарэта. Але ў адказ гараджане запусцілі петыцыю «Супраць перайменавання завулка ў гонар Мітрапаліта Філарэта», паведамляе «Гомель Штодзень».
Ініцыятары петыцыі звяртаюць увагу, што «Мітрапаліт Філарэт не мае ніякага дачынення да Мазыра, яго гісторыі, культуры, развіцця. Ён нарадзіўся ў Маскве».
Замест гэтага жыхары горада прапаноўваюць назваць завулак Міхайлаўскім — так, як ён называўся некаторы час таму.
Перайменаваць частку вуліцы Камсамольскай у вуліцу Філарэта прапанавала тапанімічная камісія Мазырскага райвыканкама. Чыноўнікі лічаць, што «неабходна ўвекавечыць памяць мітрапаліта за ягоны шматгадовы ўнёсак у духоўнае адраджэнне беларускага народа, развіццё міжканфесійнага дыялогу».
Нядаўна, дарэчы, Гомельскі гарадскі савет дэпутатаў прыняў рашэнне аб перайменаванні ў гэтым горадзе вуліцы Крапоткіна. Таксама рашэнні аб ушанаванні памяці Філарэта прымаюцца ў іншых гарадах — гэта кампанія, якую запусцілі зверху.
Чытайце таксама:
У Слуцку хутка адкрыюць помнік мітрапаліту Філарэту
Вуліцу Крапоткіна ў Гомелі пераймянуюць у вуліцу Мітрапаліта Філарэта
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
-
У Партугаліі адмяняюць абарону для беларусаў, якія выехалі з Украіны падчас вайны
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»6
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары