Барэль заклікаў пераабсталяваць інфраструктуру ЕС для хуткіх перавозак ваеннай тэхнікі на Усход
Аўтамабільную і чыгуначную інфраструктуру Еўрасаюза неабходна пераабсталяваць для хуткіх перавозак ваеннай тэхнікі і сіл у рамках Саюза. Аб гэтым заявіў вярхоўны прадстаўнік ЕС па замежных справах і палітыцы бяспекі Жазэп Барэль.
Паводле яго слоў, «асяроддзе бяспекі ў Еўропе зведала істотныя змены», і Еўрасаюзу неабходна адаптаваць абаронную палітыку да новых умоў.
«Мы павінны адаптаваць нашу сістэму мабільнасці для нашых войскаў, каб мы маглі хутка транспартаваць і разгортваць нашы ваенныя магчымасці», — сказаў Барэль.
Ён таксама падкрэсліў, што магчымасць хутка перавезці сілы з адной часткі ЕС у іншую, у асноўным з захаду на ўсход, з'яўляецца «крытычна важнай» для абароны ЕС.
Паводле яго слоў, Еўрасаюз падключыць Балканы, Малдову і Украіну да праектаў па павелічэнні ваеннай мабільнасці для хуткага разгортвання баявых сіл.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары