З'явілася відэа, як расіяне скралі янота і іншых жывёл з заапарка ў Херсоне
Акупанты вывезлі большую частку Херсонскага заапарка, у тым ліку ламу, ваўка, асла і вавёрак.
Расіяне перад тым, як адступіць з тэрыторыі Херсона, паспелі выкрасці жывёл з мясцовага заапарка. У прыватнасці, гаворка ідзе пра янота — пра крадзеж расійскія прапагандысты паведамілі ў сваіх тэлеграм-каналах.
Тым часам рух UAnimals удакладніў, што акупанты выкралі з Херсонскага заапарка не толькі янота, але і іншых жывёл: «У Крым яны вывезлі большую частку калекцыі заапарка: ад ламы і ваўка да асла і вавёрак».
Уладальнік крымскага заапарка «Тайган» Алег Зубкоў апублікаваў відэа, як вылоўлівае янотаў у Херсонскім заапарку.
У роліку некалькі чалавек у вопратцы з сімволікай «Тайгана» выводзяць жывёл, у тым ліку асла і ламу, з клетак і грузяць іх у фургон. Як мяркуецца, на кадры трапіла перамяшчэнне жывёл з Херсонскага заапарка ў «Тайган». Затым Зубкоў голымі рукамі вылоўлівае янотаў у вальеры. Ён падымае іх за хвасты і кідае ў пераноску.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў2
Каментары