Раптоўна памёр міністр замежных спраў Беларусі Уладзімір Макей, паведамляе БелТА. Яму было 64 гады. Ëн належаў да ліберальнага крыла лукашэнкаўцаў і быў адзіным у цяперашняй лукашэнкаўскай вярхушцы, хто час ад часу гаварыў па-беларуску.
Падрабязнасці не паведамляюцца.
Учора, 25 лістапада, паведамлялася пра сустрэчу Уладзіміра Макея з ватыканскім нунцыем Антэ Ёзічам.
Перад гэтым Уладзімір Макей некалькі дзён знаходзіўся ў Ерэване на саміце краін АДКБ.
Чытайце таксама: Рука Масквы, помста Лукашэнкі ці проста інфаркт?
Стала вядомая імаверная прычына смерці Макея
Як Макей правёў свой апошні тыдзень
Ціханоўская выказалася пра смерць Макея
Уладзімір Макей нарадзіўся 5 жніўня 1958 у Некрашэвічах, што ў Карэліцкім раёне Гродзенскай вобласці. Працаваў міністрам замежных спраў з 20 жніўня 2012 года, кіраваў Адміністрацыяй Лукашэнкі ў 2008—2012 гадах.
У 1980 годзе скончыў Мінскі дзяржаўны педагагічны інстытут замежных моў.
Пасля служыў у ГРУ, меў званне палкоўніка. Служыў ва Украіне, накіроўваўся на службу ў Афганістан.
У 1992—1993 гадах прайшоў навучанне ў Дыпламатычнай акадэміі МЗС Аўстрыі і стаў дыпламатам — ужо незалежнай Беларусі.
Да 1993 года працаваў у органах Міністэрства абароны Рэспублікі Беларусь, затым знаходзіўся на дыпламатычнай службе.
З сакавіка 2000 года — памочнік прэзідэнта Рэспублікі Беларусь, з ліпеня 2008 года — кіраўнік Адміністрацыі прэзідэнта. 20 жніўня 2012 года прызначаны міністрам замежных спраў Рэспублікі Беларусь.
Валодаў англійскай і нямецкай мовамі.
Наступным чынам пракаментаваў палітычны крызіс у Беларусі ў 2020 годзе:
«Любое далейшае ўзмацненне жорсткасці санкцый прывядзе да таго, што грамадзянская супольнасць [Беларусі] перастане існаваць. І гэта, я лічу, будзе абсалютна абгрунтавана ў гэтай сітуацыі».
Цяпер чытаюць
Андрэй Павук уладкаваўся кіроўцам тралейбуса ў Вільні і расказаў, як яно19
Каментары