MTZ Traktorius, якая адпрацавала крыху больш за два з паловай гады на літоўскім рынку, стала шостай кампаніяй з беларускім капіталам, унесенай у стоп-ліст мясцовай Службы па расследаванні фінансавых злачынстваў (FNTT), піша Office Life.
Па словах кіраўніка MTZ Traktorius Віргіліуса Ліберыса, банкаўскі рахунак дылера беларускага вытворцы быў замарожаны яшчэ ў чэрвені. Цяпер кампаніі не застаецца нічога іншага, як завяршаць дзейнасць і ліквідавацца. Па даных літоўскіх рэестраў, летась выручка MTZ Traktorius склала €1,3 млн, дылер атрымаў страту ў памеры €18 тыс., у кампаніі працавалі 3 чалавекі.
У цяперашні час у санкцыйны спіс, які складае FNTT на падставе рашэнняў Еўрасаюза, уваходзяць 16 кампаній з заснавальнікамі з Беларусі і Расіі. Актывы яго фігурантаў замарожаныя.
З юрыдычных асоб з беларускім капіталам, акрамя MTZ Traktorius, у стоп-ліст патрапілі Prekybos namai BMZ-Baltija, Belintertrans Baltic і тры кампаніі, звязаныя з бізнэсоўцам Аляксандрам Шакуціным, — ЕМ Systems, EM Industry і Amkodor Baltic.
Чытайце таксама:
«Мы, груба кажучы, кампанія Лукашэнкі». Прадавец беларускіх трактароў у Літве спыняе дзейнасць з-за санкцый
Цяпер чытаюць
Медсястра з Лепеля закахалася ў расійскага вайскоўца і паехала наёмніцай на фронт ва Украіну20
Каментары