За 20 снежня ў Кітаі каранавіруснай інфекцыяй заразіліся 37 мільёнаў чалавек, піша агенцтва Bloomberg са спасылкай на закрытае пасяджэнне Нацыянальнай камісіі аховы здароўя Кітая.
Усяго за першыя 20 дзён снежня каранавіруснай інфекцыяй заразіліся 248 мільёнаў чалавек, то-бок амаль 18% насельніцтва краіны. У пратаколе пасяджэння не гаворыцца, колькі чалавек памерла.
Рэзкі ўсплёск новых выпадкаў можа быць звязаны з тым, што ўлады Кітая адмянілі абмежаванні, уведзеныя ў рамках палітыкі нулявой цярпімасці да COVID-19. Гэта прывяло да распаўсюду варыянта віруса «амікрон» сярод насельніцтва з нізкім узроўнем натуральнага імунітэту.
Адзначаецца, што каранавіруснай інфекцыяй заразіліся больш за палову жыхароў Пекіна і правінцыі Сычуань.
Улады Кітая пачалі змякчаць каранавірусныя абмежаванні ў пачатку снежня пасля масавых пратэстаў, якія пракаціліся па краіне. Пасля публікацыі Bloomberg афіцыйная прадстаўніца кітайскага МЗС заявіла, што каранавірусная сітуацыя ў краіне «прадказальная і знаходзіцца пад кантролем».
Каментары
А сегодня и дела никому нет.