U Kitai za adzin dzień zarazilisia karanavirusam 37 miljonaŭ čałaviek
Za 20 śniežnia ŭ Kitai karanavirusnaj infiekcyjaj zarazilisia 37 miljonaŭ čałaviek, piša ahienctva Bloomberg sa spasyłkaj na zakrytaje pasiadžeńnie Nacyjanalnaj kamisii achovy zdaroŭja Kitaja.
Usiaho za pieršyja 20 dzion śniežnia karanavirusnaj infiekcyjaj zarazilisia 248 miljonaŭ čałaviek, to-bok amal 18% nasielnictva krainy. U pratakole pasiadžeńnia nie havorycca, kolki čałaviek pamierła.
Rezki ŭsplosk novych vypadkaŭ moža być źviazany z tym, što ŭłady Kitaja admianili abmiežavańni, uviedzienyja ŭ ramkach palityki nulavoj ciarpimaści da COVID-19. Heta pryviało da raspaŭsiudu varyjanta virusa «amikron» siarod nasielnictva ź nizkim uzroŭniem naturalnaha imunitetu.
Adznačajecca, što karanavirusnaj infiekcyjaj zarazilisia bolš za pałovu žycharoŭ Piekina i pravincyi Syčuań.
Ułady Kitaja pačali źmiakčać karanavirusnyja abmiežavańni ŭ pačatku śniežnia paśla masavych pratestaŭ, jakija prakacilisia pa krainie. Paśla publikacyi Bloomberg aficyjnaja pradstaŭnica kitajskaha MZS zajaviła, što karanavirusnaja situacyja ŭ krainie «pradkazalnaja i znachodzicca pad kantrolem».
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
A siehodnia i dieła nikomu niet.