Беларус адкрыў б’юці-каворкінг у Варшаве і расказвае пра гэту новую нішу ў бізнэсе
Ігар разам з жонкай пераехаў у Польшчу ў чэрвені мінулага года. У Беларусі мужчына меў лагістычны бізнэс, які пасля пачатку вайны стаў павольна паміраць. «Прыняў рашэнне, што змяню лакацыю, паспрабую з нуля». Ён расказаў, як адкрываў б’юці-каворкінг у Варшаве і колькі ў яго трэба было ўкласці.
У Мінску Ігар быў сузаснавальнікам і дырэктарам адной з лагістычных кампаній, якая займалася дастаўкай тавараў інтэрнэт-крамаў па Беларусі. У пэўны момант яго бізнэс стаў развальвацца.
Таксама было маральна няпроста знаходзіцца ў Беларусі, краіна мяжуе з Украінай і Расіяй, не хацелася стаць салдатам у гэтай вайне.
У Польшчы заўважна адразу, што ў людзей ёсць грошы і яны могуць іх траціць. Але ёсць у гэтым і мінус: чалавек, які ўладкоўваецца тут на працу, ведае, які заробак ён атрымае, асабліва не імкнецца рабіць штосьці звыш, няма патрэбы перапрацоўваць, бо грошай на ўсё хапае», — расказвае ён.
«Такое было з-за таго, што страціў бізнэс, не змог атрымліваць дывідэнты. Але я ехаў у Польшчу не для таго, каб працаваць афіцыянтам ці грузчыкам, а канкрэтна рабіць нешта ў сферы бізнэсу. Насамрэч любая занятасць вызваляе ад лішніх перажыванняў. Так і ў мяне было», — кажа ён.
З Беларусі і Украіны вялізны паток мігрантаў, якім няма дзе працаваць або можна працаваць толькі за драконаўскі працэнт у салонах. Майстар зарабляе, напрыклад, 10 тысяч злотых (каля 2 280 даляраў) на сваіх паслугах, а напрыканцы месяца атрымлівае ў лепшым выпадку 5 тысяч (прыкладна 1 140 даляраў). Таму мы прапанавалі такую альтэрнатыву. У нас майстар можа зарабіць хоць 100 тысяч, а заплаціць нам фіксаваную арэнду», — тлумачыць Ігар.
«Мы зрабілі бізнэс-план і палічылі, колькі павінна каштаваць наша прапанова, каб яна была выгадная для майстроў. Арэнда працоўнага месца каштуе 20 злотых (4,50 даляра) у гадзіну, за дзень — 120 (27 даляраў). Можна арандаваць і на тыдзень, і на месяц», — кажа ён.
Хачу адзначыць, што палічылі ўсё даволі добра і не перайшлі за выстаўлены парог выдаткаў, як звычайна бывае падчас адкрыцця чаго-небудзь.
Памяшканне для каворкінгу Ігар знайшоў даволі хутка. За арэнду трэба было заплаціць за тры месяцы.
«Месяц каштуе 800 даляраў. Гэта 40 квадратных метраў не ў цэнтры Варшавы, — расказвае ён. —
Лічылі, за які перыяд гэта ўсё можа акупіцца, — 7 месяцаў».
«У партнёра было ўжо адкрыта польскае ІП. На ім мы ўвесь наш бізнэс і пабудавалі.
У Польшчы заканадаўства ў сферы вядзення бізнэсу адрозніваецца ад беларускага, але не так кардынальна, як падаецца. Трэба проста знайсці час, ва ўсім разабрацца, пракансультавацца з юрыстам, бухгалтарам», — тлумачыць мужчына.
Працоўных месцаў у каворкінгу цяпер шэсць. За тры месяцы яго наведала каля 70 майстроў.
— Тут добрая планіроўка. Памяшканне — роўны, шырокі і доўгі прамавугольнік. Адлегласць паміж майстрамі нармальная, усім зручна».
«Палякі да нас працаваць яшчэ не прыходзілі, — кажа Ігар.
«Наша Нiва» — бастыён беларушчыны
ПАДТРЫМАЦЬЧытайце таксама:
«Трэба год, каб пачаць выходзіць у плюс». Беларуска адкрыла салон штор у цэнтры Варшавы і расказвае, як перазапусціць бізнэс за мяжой
Вядомы беларускі брэнд з пачатку вайны адкрыў чатыры крамы ў Маскве. Дызайнеры патлумачылі сваё рашэнне
«Для не IT-кампаніі рэлакацыя практычна немагчымая». Што адбываецца з бізнэсам у Беларусі і чаму «старт з нуля» ў іншай краіне гэта выйсце — меркаванне
Цяпер чытаюць
Чым цяпер жыве Ксенія Волкава з «Апошняга героя»? Чвэрць стагоддзя таму гэтая беларуска трапіла на трапічны востраў1
Каментары