Ціханоўская: Мы разумеем, што ўлады Украіны не хочуць правакаваць Лукашэнку. Але ён не ахвяра
Святлана Ціханоўская пракаментавала інфармацыю журналіста «Радыё Свабода» Рыкарда Ёзвяка, што ЕС не ўводзіць санкцыі супраць Беларусі па просьбе Украіны.
«Мы разумеем, што ўлады Украіны не хочуць правакаваць Лукашэнку. Але калі з’яўляюцца думкі пра тое, што гэта яго спыніць, — яны памылковыя. У пачатку 2022-га ён абяцаў Украіне, што не будзе нападу. Мы ведаем, да чаго гэта прывяло», — мяркуе Ціханоўская.
«Лукашэнка ніколі не трымае слова і будзе рабіць тое, што скажа Расія. Ён не выпадкова апынуўся ў такой сітуацыі. Ён не закладнік і не ахвяра — ён абраў інтэграцыю з Расіяй яшчэ ў 90-х, калі пачаліся падпісанні дакументаў пра саюзную дзяржаву. Ягоная палітыка прывяла да пачатку вайны супраць Украіны, а таксама да пагрозы незалежнасці Беларусі. Яго саўдзел у вайне дазволіў адбыцца генацыду ў Бучы, Ірпені, Чарнігаўскай і Кіеўскай абласцях», — падкрэслівае Святлана Ціханоўская.
«Таму саступкі яму ў разгар вайны толькі ствараюць для яго пачуццё беспакаранасці. Так ён упэўніваецца, што можа і далей праводзіць рэпрэсіі, забіваць людзей і дазваляць нападаць на Украіну з тэрыторыі Беларусі. А задача цывілізаванага свету — пазбегнуць беспакаранасці. Вінаватыя павінны панесці адказнасць — і наша агульная задача гэтага дабіцца.
Беларусы, пра чые інтарэсы сапраўды трэба думаць — гэта беларускія актывісты, добраахвотнікі і валанцёры, якія дапамагаюць Украіне і змагаюцца супраць Расіі. Гэта людзі, якія сталі палітзняволенымі за свой пратэст супраць вайны ва Украіне і дыктатуры. Але дакладна гэта не Лукашэнка, які дае тэрыторыю Беларусі рускім салдатам і ракетам», — рэзюмуе дэмакратычны лідар.
Ёзвяк: ЕС не ўводзіць санкцыі супраць рэжыму Лукашэнкі па просьбе Украіны
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны30
Каментары
Нужно умников из офса президента в Украине тыкать носом в это д@рьмо, чтобы обрубить навсегда коррупционные схемы с режимом таракана. Нашли хорошую отговорку «не провоцировать». Эти режимы понимают только язык Силы и Санкций!
Усе правільна.
Мабыць некаторыя у зеленская лічаць, што 3% не напаў таму што у іх добрыя адносіны і таму што яны гандлявалі, а не таму што ен спужаўся што народ супраць, нават армія супраць вайны.