Палітвязня асудзілі на тры з паловай гады калоніі за абразу Лукашэнкі і генеральнага пракурора
У Гомельскім абласным судзе 16 студзеня асудзілі Аляксандра Пугача паводле ч. 1 арт. 130 (распальванне іншай сацыяльнай варожасці), ч. 1 арт. 366 (гвалт або пагроза гвалтам у дачыненні да службовай асобы), ч. 1 арт. 368 (абраза Лукашэнкі), арт. 369 (абраза прадстаўніка ўлады) Крымінальнага кодэкса. Суддзя Руслан Царук прызначыў мужчыну тры з паловай гады пазбаўлення волі ў калоніі ва ўмовах агульнага рэжыму і кампенсацыю маральнай шкоды памерам 10000 рублёў і 100 базавых велічыняў, паведамляе «Вясна».
Аляксандр Пугач быў затрыманы 17 жніўня 2022 года супрацоўнікамі ГУБАЗіКа па падазрэнні ў здзяйсненні злачынства паводле арт. 130 КК (распальванне варожасці), ч. 1 арт. 366 КК (гвалт або пагроза ў дачыненні да службовай асобы), арт. 369 КК (абраза прадстаўніка ўлады), арт. 368 КК (абраза Лукашэнкі).
Згодна з версіяй следства, Аляксандр Пугач «з кастрычніка 2020 года па сакавік 2022 года ў Telegram абражаў Лукашэнку, а таксама прадстаўнікоў улады, у тым ліку генеральнага пракурора Рэспублікі Беларусь, у сувязі з выкананнем імі службовых абавязкаў». Цяпер Аляксандр знаходзіцца ў гомельскім СІЗА.
Падтрымайце палітвязня: СІЗА-3, 246003, г. Гомель, вул. Кніжная, 1А, Аляксандр Уладзіміравіч Пугач
Лукашэнка пераабуўся: Позна ўвечары Мінск пагрузілі ў цемру. Навошта? Я ж ад вас гэтага не патрабаваў20
Каментары