Заўтра ў Тбілісі пахаваюць Вахтанга Кікабідзэ — вядомага грузінскага акцёра і спевака, які памёр 15 студзеня. Развітанне з ім праходзіць пад двума сцягамі.
Вахтанг Кікабідзэ заўсёды быў вялікім сябрам Украіны і любіў бываць там з канцэртамі. У 2013 годзе яму было нават прысвоена званне заслужанага артыста Украіны.
Не заставаўся Кікабідзэ ўбаку і тады, калі Украіна сутыкалася з пагрозамі. У лютым 2022 года ён выступіў з асуджэннем уварвання Расіі ва Украіну, а ў жніўні мінулага года выдаткаваў увесь збор ад свайго юбілейнага канцэрта на дапамогу УСУ.
Улічваючы такую ролю Украіны ў яго жыцці, сям'я Кікабідзэ прыняла рашэнне, што ягоная труна будзе пакрытая двума сцягамі — грузінскім і ўкраінскім.
На пахаванні будзе прысутнічаць міністр культуры Украіны Аляксандр Ткачэнка, які зачытае заяву ад прэзідэнта Украіны Уладзіміра Зяленскага.
Кікабідзэ пахаваюць на Верыйскіх могілках у Тбілісі, побач з магілай маці. Такім было ягонае ўласнае жаданне.
Чытайце таксама:
Памёр акцёр Вахтанг Кікабідзэ
«Журналіст напісаў, што прыехалі рускія артысты. Нам было крыўдна вельмі». Апошняе інтэрв'ю Вахтанга Кікабідзэ
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары