Грамадства77

У баранавіцкай школе настаўніца дала аплявуху вучню. Бацькі сталі на бок настаўніцы

У адной з сацыяльных сетак зʼявілася відэа, на якое патрапіў канфлікт настаўніцы з вучнем. Спачатку настаўніца адчытвае за нешта школьніка, чуваць, што яна ў моцнай эмацыйнай узрушанасці. А затым, мяркуючы па гуку (на відэа гэтага няма), дае яму аплявуху, піша «Наш край».

На запісе пазначана, што інцыдэнт адбыўся ў сярэдняй школе №17 горада Баранавічы.

Па каментары «Наш край» звярнуўся да начальніцы ўпраўлення па адукацыі Баранавіцкага гарвыканкама Таццяны Шастак.

— На жаль, гэты выпадак сапраўды быў, ён адбыўся вясной мінулага года, — распавяла Шастак. — Магу сказаць, што інцыдэнт неадназначны. Да высвятлення ўсіх абставінаў здарэння настаўнік часова адхілена ад працы.

Бацькі ж школьніка прынялі бок настаўніцы.

— Я заўсёды буду на баку педагога, я выдатна разумею, якія складаныя зараз дзеці, як многа яны сабе дазваляюць, — выказалася мама. — Сын распавёў мне пра тое, што пасварыўся з класнай, яшчэ тады, у маі. Аднак аб прычыне змаўчаў. Пра гэта стала вядома ўжо цяпер. Я разумею, што ён сам вінаваты ў гэтым канфлікце, што ён яе справакаваў. Ён па характары гарэза, ды яшчэ і пераходны ўзрост накладвае свой адбітак на паводзіны. Я чула, што настаўніцу адхілілі ад працы, і справа можа дайсці да звальнення. Хачу сказаць, што мы з бацькам катэгарычна супраць гэтага. І, калі дойдзе да звальнення, будзем пісаць лісты ў абарону педагога.

Сам школьнік, які ўдзельнічаў у канфлікце на відэа, сказаў, што хацеў бы, каб пра выпадак не было вядома.

— Калі шчыра, я не думаў пра тое, што ў той гісторыі могуць быць такія наступствы, што пра гэта стане так шырока вядома, — сказаў ён. — Сёння я шкадую, што справакаваў канфлікт. Такая «слава» не патрэбна ні мне, ні настаўніку, ні нашай школе.

Каментары7

  • Валошка
    20.01.2023
    Меркаванне бацькоў наконт правамоцнасці дзеянняў настаўнікаў не павінна мець ніякай перавагі над законам.
  • Ptax nievialički
    20.01.2023
    Валошка, я б сказаў, што калі яны падтрымліваюць настаўніка, то мусяць панесьці пакаранне разам з настаўнікам. Хаця б умоўны тэрмін за хуліганства зьдзейсьненае групай асоб.
  • Ыўк
    20.01.2023
    Не ўмеюць людзі з дзецьмі агульную мову знаходзіць, а ўсё адно ці то бацькамі робяцца, ці то ажно прафесіяй робяць. Школьны псіхолаг, дапамога старэйшых у тлумачэнні, чаму гарэза не правы? Не, наш адказ — гвалт. Бо зрабіць балюча і прымусіць дзіцяці замаўчаць ад страху значна прасцей, чым уключыць мазгі і паразмаўляць. Колькі назірала ныццё бацькоў «дзіцё вечна сядзіць у планшэце». Ага, толькі вы самі сунулі яму у рукі гэты планшэт, каб малы не замінаў, не гуляеце з ім, не займаецеся. А вінаваты як звычайна дзіцёнак, а не вы, ляніўцы. Узгадка таго, што хлопец не даверыўся бацькам аб прычыне канфлікту, а бацькі самі не пацікавіліся — паказальная.

    У маім падлеткавым узросце наш выхавацель золата мовіў: «Калі дзеці аддаюць перавагу тэлефону над гульнямі, стасункамі і хобі — значыць дарослыя не ўмеюць арганізоўваць ні гульні, ні дыялог, ні заняткі. Значыць педагог нават не прыкладае намаганні, каб зацікавіць дзяцей». І даказваў правату на справе. Ды і калі я сама выкладала ў дзяцей 7-8 класа, назірала, што абсалютна ўсе «шалапуты» насамрэч вельмі цікаўныя энэргічныя дзеці, але ім цесна ў межах звычайнага зубрэння. Але яны ўсе без праблем ўзяліся за паглыбленнае даследаванне тэмы: эсэ, творчыя работы, свабоднае даследаванне. Вось можна ж было наўзамен крыку і гвалтоўнай пераробкі асоб дзяцей пад свой камфорт праявіць да іх ўвагу. Як да адчужаных асоб, а не пакорных раслін. І павагу.

Цяпер чытаюць

Даведаліся, як жыве Сяргей «Хлопатнае дзельца» Міронаў6

Даведаліся, як жыве Сяргей «Хлопатнае дзельца» Міронаў

Усе навіны →
Усе навіны

Мужчына разбіў відэакамеру ў пад'ездзе, надзеўшы для маскіроўкі трусы на галаву8

Скандынавія прыцягвае беларуса: дальнабойшчык расказаў аб працы ў краі вікінгаў2

«Матрошкамі ўжо не здзівіш». У Расіі заклікалі стварыць свой аналаг Лабубу3

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

Пад Быхавам адкрылі помнік археалагічнай знаходцы 1960 года. Ён падобны да надмагілля

Ва Украіне пад уплывам пратэстаў вяртаюць незалежнасць антыкарупцыйным органам8

У Мёрах падлетак прадаваў парнаграфію, выкарыстаўшы нумар суседа

больш чытаных навін
больш лайканых навін

Даведаліся, як жыве Сяргей «Хлопатнае дзельца» Міронаў6

Даведаліся, як жыве Сяргей «Хлопатнае дзельца» Міронаў

Галоўнае
Усе навіны →

Заўвага:

 

 

 

 

Закрыць Паведаміць