Свет

Алеку Болдуіну выставілі абвінавачванні ў ненаўмысным забойстве аператара Галіны Хатчынс. Яго могуць пасадзіць на пяць гадоў

Пракуратура штата Нью-Мексіка афіцыйна выставіла акцёру Алеку Болдуіну і кансультанту па зброі Ханне Гут'ерэс-Рыд абвінавачванні ў ненаўмысным забойстве аператара Галіны Хатчынс, якая загінула на здымках фільма «Іржа».

Алек Болдуін. Фота: інстаграм акцёра

Болдуіна і Гут'ерэс-Рыд абвінавачваюць па двух пунктах артыкула аб ненаўмысным забойстве. Калі прысяжныя прызнаюць іх вінаватымі, то акцёр і кансультант будуць асуджаныя толькі па адным з іх. Які з двух пунктаў абвінавачвання больш адпавядае здарэнню, павінны будуць вызначыць прысяжныя. Першы пункт прадугледжвае да 18 месяцаў турэмнага зняволення, другі — да пяці гадоў пазбаўлення волі, паведамляе CNN.

Адвакат Болдуіна адмовіўся ад каментароў. Раней, калі стала вядома, што пракуратура выставіла Болдуіну абвінавачванні, яго абаронца заявіў CNN, што лічыць гэтае рашэнне «жудаснай памылкай правасуддзя».

Аператар Галіна Хатчынс загінула на здымачнай пляцоўцы фільма «Іржа» ў кастрычніку 2021 года ў выніку стрэлу з пісталета, які выкарыстоўваўся як рэквізіт, але быў зараджаны баявымі патронамі.

Пісталет у момант стрэлу знаходзіўся ў руках Болдуіна, сам ён сцвярджаў, што не націскаў на спускавы кручок. Аднак крыміналісты ў сваёй справаздачы заявілі, што зброя не магла выстраліць сама.

Ханна Гут'ерэс-Рыд, па версіі пракуратуры, не настойвала на навучанні Болдуіна тэхніцы бяспекі, не правярала кожны патрон, а таксама не выконвала правілы бяспекі пры захоўванні боепрыпасаў.

Каментары

Цяпер чытаюць

Гурт «Дразды» пакідае сцэну і вінаваціць у гэтым «гіперактыўных блогераў»5

Гурт «Дразды» пакідае сцэну і вінаваціць у гэтым «гіперактыўных блогераў»

Усе навіны →
Усе навіны

Украіна атакавала вайсковы завод у Чувашыі1

Ці можна есці прарослую бульбу, цыбулю і часнок?3

Дыпламатычны дарадца Ціханоўскай расказаў, навошта яму званіў Борыс Джонсан4

ДАІ будзе выкарыстоўваць новыя камеры ў Мінску — для кантролю спынення і стаянкі1

Мінскую Серабранку чакаюць маштабныя змены3

Экс-палітвязень расказаў, як атрымаў мікраінфаркт падчас суда1

Мужчыну забіла маланка ў Столінскім раёне

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА19

Ізраіль перахапіў судна з Грэтай Тунберг, якое ішло ў Газу6

больш чытаных навін
больш лайканых навін

Гурт «Дразды» пакідае сцэну і вінаваціць у гэтым «гіперактыўных блогераў»5

Гурт «Дразды» пакідае сцэну і вінаваціць у гэтым «гіперактыўных блогераў»

Галоўнае
Усе навіны →

Заўвага:

 

 

 

 

Закрыць Паведаміць