Пад сеткамі са столінскай капустай расіянам нелегальна везлі грушы
Супрацоўнікі Рассельгаснагляда, спыніўшы на расійскай дарозе беларускую машыну, выявілі, што ў ёй з Беларусі ў Расію везлі 13 тон груш без дакументаў.
Калі машыну спынілі ў Смаленскай вобласці, то яе кіроўца паказаў фітасанітарны сертыфікат, выдадзены беларускім бокам, згодна з якім у машыне перавозілася 21 тона свежай белакачаннай капусты са Столінскага раёна. Гародніну везлі нібыта ў Санкт-Пецярбург.
Аднак пры аглядзе транспарту супрацоўнікі Рассельгаснагляда выявілі, што насамрэч пад сеткамі з капустай былі схаваныя скрыні з грушамі, і якраз на іх у перавозчыка ніякіх дакументаў не было.
Груз затрыманы, кіроўцу збіраюцца прыцягнуць да адміністрацыйнай адказнасці.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары