Boeing 737-800 з бартавым нумарам EW-001PA, на якім Аляксандр Лукашэнка паляцеў у Маскву на сустрэчу з Уладзімірам Пуціным, сёння ў 14:02 MSK вылецеў з маскоўскага аэрапорта «Унукава» і прызямліўся ў Цвярской вобласці РФ, сведчаць звесткі сэрвісу Radarbox.com, заўважыў Reform.by.
Ці знаходзіцца на борце сам Аляксандр Лукашэнка або яго перагналі ў Цвярскую вобласць без «першага» пасажыра, пакуль не ясна.
Хутчэй за ўсё, Лукашэнка паехаў з Пуціным у рэзідэнцыю на Валдай. Незразумела толькі, на цягніку разам з ім ці асобна.
З учорашняга дня пра лёс Лукашэнкі нічога не вядома. Апошнія паведамленні тычыліся афіцыйнай часткі сустрэчы, дзе Лукашэнка і Пуцін абмяняліся паказальнымі рэплікамі, якія пацвярджаюць раптоўнасць сустрэчы. «Як быццам я мог не пагадзіцца!» — усклікнуў Лукашэнка ў адказ на словы Пуціна, які падзякаваў за візіт.
Каментары